Shumica e shtëpive dhe lokaleve që ne frekuentojmë gjatë ditës, janë të pajisura me rrjet Wifi, kështu që sapo të futeni në një ambijent të tillë, sigurohuni të fikni Mobile Data. Kjo do ta kursejë shumë pakon tuaj të internetit, megjithëse duhet të bëni kujdes për çështjet e sigurisë kur lidheni në rrjete Wifi jashtë ambijentit të shtëpisë tuaj.

Shumica e telefonave tashmë e kanë opcionin “Data Usage” për monitorimit të sasisë së internetit të shpenzuar nga pakoja juaj. Përderisa pajisjet me IOS e japin një pasqyrë të përgjithshme të shfrytëzimit të internetit nga pakoja juaj, pajisjet me Android japin pasqyrë të saktë të shfrytëzimit të internetit, për secilin aplikacion që është në përdorim.

Gjendjen e pakos tënde të internetit mund ta pranosh përmes përmes SMS në telefonin tuaj. Për kontrollimin e gjendjes së llogarisë Prepaid shtypni *101# dhe pastaj 2, ndërsa për llogaritë Postpaid, e dërgoni një SMS ne tekst Data status, në numrin 50555.

Pranimi/dërgimi i shumë emailave si dhe përdorimi i disa rrjeteve sociale në të njëjtën kohë, nënkupton shfrytëzim të internetit edhe pa veprimi tuaj në telefon. Ky shfrytëzim i lartë, mund të çojë në shpenzim më të shpejtë të pakos tuaj të internetit.

Shikimi i videove dhe dëgjimi i këngëve shpenzojnë jo pak nga pakoja juaj e internetit, posaqërisht nëse bëhet fjalë për për video HD. Gjatë shikimi të një epizodi ose të gjysëm filmi HD, mund të shpenzohen 2 GB nga pakoja juaj e internetit. Megjithëse dëgjimi i këngëve, shpenzon sasi më të vogël nga pakoja juaj e internetit, megjithatë duhet bërë kujdes të posaqëm, në rastet kur dëgjohet për një kohë të gjatë

Një SMS standard përmban deri në 160 karaktere, varësisht nga pajisja dhe karakteret e përdorura. Nëse përdoren karaktere të veçanta si “ë”, “ç”, emoji apo simbole të tjera specifike, kufiri i karaktereve mund të ulet, me ç’rast rritet numri i SMS-ve.

P.sh., nëse përdoren karaktere të veçanta brenda një teksti prej 160 karakteresh, ai automatikisht konvertohet në SMS prej 70 karaktereve, me ç’rast teksti prej 160 karakteresh ndahet në 3 SMS.

Për të shmangur kosto shtesë, rekomandohet që gjatë shkrimit të SMS-ve të përdoren shkronja pa karaktere të veçanta, pra shkronja standarde (p.sh. “e” në vend të “ë” dhe “c” në vend të “ç”), si dhe të shmangen emoji apo simbole të specifike.

Para dërgimit, kontrolloni numrin e karaktereve ose njoftimin që shfaq telefoni.